Hakimiyyət orqanları, bəzi büdcədən maliyyələşən qurumlar və hətta özəl müəssisələrdə (heç kəsə sirr deyil ki, Azərbaycanda özəl müəssisə sahiblərinin əksəriyyəti ya “krışalıqla” ya da rüşvət verməklə biznes fəaliyyəti ilə məşğul olduğundan, hakimiyyətdən çox asılıdırlar) işləyən tanışlarım var ki, məni gördükdə və ya mənimlə söhbət etdikdə, təxminən belə sözlərlə müraciət edirlər: “nə düşmüsən əl-ayağa?!”, “hakimiyyətdən nə istəyirsən?!”, “guya sən nəsə yazmaqla və ya danışmaqla nəyisə dəyişdirə biləcəksən?!”, “belə boş-boş şeylərə” sərf etdiyin vaxtı, öz üzərində çalışmağa, professional olmağa ayır və karyeran haqqında fikirləş (bu, həm də o deməkdir ki, başını aşağı sal “işlə-öyrən, öyrən-işlə”).