Təşkilat bildirir ki, hakimiyyət bu iki nəfərin və onlarla birlikdə həbs olunmuş başqa bir fəalın öz prosessual hüquqlarını həyata keçirə bilmələrini, o cümlədən vəkillə əlaqə saxlamasını təmin etməlidir. «Human Rights Watch» təşkilatının Avropa və Mərkəzi Asiya üzrə direktor müavini Jane Buchanan gənclərin döyülməsi ilə bağlı bildirib ki, «heç kəs polis şöbəsində döyülə bilməz. Hətta o hakimiyyətin, yaxud başqalarının xoşuna gəlməyən mahnı oxusa, ya da nəsə söyləsə belə».